02 | Izindaba
Friday, 31 July 2026
Ikhabhinethi isiphasise ukwelulwa kwesikhathi
samalayisensi okushayela
IKHABHINETHI yakuleli isiphasise ukuba selulwe isikhathi sokuphelelwa yisikhathi kwamalayisensi okushayela.
Emhlanganweni weKhabhinethi ngoLwesithathu, uhulumeni uphasise ukuba isikhathi samalayisensi okushayela izimoto nezithuthuthu selulwe, sifinyelele eminyakeni eyishumi.
Phambilini izincwadi zokushayela beziphelelwa yisikhathi sokusebenza ngemuva kweminyaka eyisihlanu.
Libuyela ngoSeptember olowayeyilungu leSAPS Task Force
KULINDELEKE ukuba liphinde libuyela ngomhla ka-9 kuSeptember kophezulu, icala elibhekene nowayeyilungu lophiko lwe-SAPS Task Force, uMatipandile Sotheni (osesithombeni esingenhla).
USotheni ubhekene necala lokudubula abulale omunye wofakazi kwiKhomisini kaMadlanga, owayebizwa ngo-Witness D, okwagcina kuvela ukuthi unguMarius van der Merwe. Uvele ngoLwesine eNkantolo yeMantshi yaseBrakpan.
Useqokelwe esikhundleni esiphezulu uNkk Bongi Sithole- Moloi
ZIKHWELE izimendlela kuNkk Bongi Sithole-Moloi, oseqokelwe esikhundleni sokuba nguSihlalo woSihlalo bamakomidi eSishayamthetho saKwaZulu-Natal.
UNkk Sithole-Moloi uqokelwe kulesi sikhundla ebesiphethwe nguDkt Ntuthuko Mahlaba, osanda kudlula emhlabeni.
Ikhokhasi ye-ANC eSishayamthetho, imhalalisele uNkk Sithole-Moloi kulesi sikhundla, yazwakalisa ukuthi iyasethemba isipiliyoni azongena naso.
Kulindeleke kukhishwe incwadi ebizela uNkk Johnson ukuyophendula futhi, kwiKhomishini kaMadlanga
ANGASE aphinde abizwe ukuzovela phambi kweKhomishini kaMadlanga uNkk Andrea Johnson (osesithombeni esingenhla), obengumphathi
we-IDAC, emuva kokuvela kwezinsolo ezintsha okumele azophendula ngazo.
Ngokubika kwe-eNCA, kulindeleke ukuba incwadi esemthethweni yokumbiza azofakaza ngalezi zinsolo, ikhishwe maduze.
Lezi zinsolo zivele ngo-Adv Drushantha Ramsamy, obethula ubufakazi phambi kwale khomishini izolo ngoLwesine.