NGUTHABO Molosiane (ongowesibili kusuka kwesobunxele) enozakwabo kwiStellies.

ISITHOMBE NGABE: BACKPAGEPIX

Senzo Sokhela

UMATANISWA neKaizer Chiefs uThabo Moloisane (27), emuva kokuthi iStellenbosch FC abedlala kuyona, imemezele ukuthi lesi sitobha siyashiya kuyona.

Inkontileka yalo mdlali iyaphela ngomhla ka-30 kuJune.

Kuthiwa unqume ukungayeluli.
ILANGA Lempelasonto lithole ukuthi lo mdlali ulibhekisa kwiChiefs.

Umthombo waleli phephandaba uthe: "Lo mfana uya kwiChiefs, kudala wayisayina inkontileka yesibambiso nayo.

"Maduzane iChiefs izomumemezela njengomdlali wayo omusha, ilinde ukuthi kuphele kahle inkontileka ngokusemthethweni.

"Naye lo mfana ubesenele wukudlala kwiStellenbosch, ufuna ukuyokhulisa kahle ibhola lakhe ekilabhini enkulu."

NGUTHABO Molosiane.

ISITHOMBE NGABE: BACKPAGEPIX

UVina Maphosa wezokuxhumana kwiChiefs, uthe akukho okuphambi kwakhe okuthinta ukunyakaza kwabadlali, uma kukhona okwenzekayo, ikilabhu izokwenza isimemezelo.