16 | Ezemidlalo
Friday, 27 March 2026
NGUMQEQESHI weBafana Bafana, uHugo Broos.
ISITHOMBE NGABE: BACKPAGEPIX
OweBafana nesicelo kubathandi bebhola baseKZN
Uthembisa ukubanika umdlalo omnandi
Senzo Sokhela
WENZA isicelo kubathandi bebhola baKwaZulu-Natal uHugo Broos, ongumqeqeshi weBafana Bafana ebhekene nomdlalo omqoka wokuzifudumezela iNdebe yoMhlaba yeFifa.
IBafana izobhekana nePanama kowokuvivela indebe yomhlaba namuhla ngoLwesihlanu ngo-19h00 eMoses Mabhida Stadium, eThekwini.
NGUMQEQESHI wePanama, uThomas Christiansen.
ISITHOMBE NGABE: BACKPAGEPIX
UBroos wenza isicelo kubathandi bebhola ngalo mdlalo.
"Konke kubukeka kuhamba kahle ngamalungiselelo alo mdlalo, isikwati sami siphelele manje.
"Ngicabanga ukuthi sekusele ukupholisha izinto ezincane bese singena enkundleni, sibone ukuthi iPanama isiphatheleni.
"Engikucelayo wukuthi abantu baKwaZulu-Natal, nabathanda ngobuqotho izwe labo, baphume ngobuningi babo ukuyokweseka abafana.
"Yilapho bekudinga khona ukwesekwa ukuze bagijime lo mdlalo ngokukhulu ukuzethemba. Ngicela bazonika abadlali bethu uthando, nathi sizokwenza konke okusemandleni ukubabukisa ibhola elimnandi,'' kusho uBroos.
Umdlalo olandelayo weBafana nePanama uzokuba ngoLwesibili ngo-19h30 eDHL Cape Town Stadium.