Ukhonjwa kwiMan United unozinti wePSG

KUBUKEKA engase azitholele ikhaya elisha uGianluigi Donnarumma ongunozinti weParis Saint-Germain (PSG) yaseFrance njengoba kuvela ukuthi izinto kazisahambi kahle phakathi kwakhe nale kilabhu.

Lo nozinti ukhonjwa kwiManchester United yase-England ezodlala umdlalo wayo wesibili wale sizini we-English Premier League (EPL) neFulham ngeSonto ngo-17h30.

IMan United iyiqale kabi isizini ihlulwa yi-Arsenal ngo-1-0 ngeledlule.
Lo nozinti ukhonjwa kwiRed Devils nje, maningi amakilabhu okuthiwa ayamfuna.

Sekuwumlando ukuthi uDonnarumma ubambe elikhulu iqhaza iPSG iqukula i-Uefa Champions League ngesizini edlule, emuva kokubhaxabula i-Inter Milan yase-Italy ngo-5-0 kowamanqamu.

Ukuphindile lokho kwiFifa Club World Cup ebise-USA ngoJune nangoJuly nonyaka, esiza ezakhe zifinyelela kowamanqamu walo mqhudelwano obuqala ukugijinywa ngamakilabhu awu-32.

Nokho iPSG - ebithwelwe ngeqoma kulo mqhudelwano, igcine ithelwe induku yiChelsea yase-England, eyinenebule ngo-3-0 kowamanqamu.

Isiyonke imidlalo ye-EPL imi kanjena:-
NGOLWESIHLANU
West Ham vs Chelsea 21h30.
NGOMGQIBELO
Man City vs Tottenham 13h30.
Bournemouth vs Wolves 16h00.
Burnley vs Sunderland 16h00.
Brentford vs Aston Villa 18h30.
Arsenal vs Leeds 21h30.
NGESONTO
Palace vs Forest 15h00.
Everton vs Brighton 15h00.
Fulham vs Man United 17h30.
Newcastle vs Liverpool 21h00.
* EyeSpanish La Liga:
NGOLWESIHLANU
Real Betis vs Alaves 21h00.
NGOMGQIBELO
Mallorca vs Celta Vigo 17h00.
Atletico Madrid vs Elche 19h30.
Levante vs Barcelona 18h30.
NGESONTO
Real Sociedad vs Espanyol 19h30.
Real Oviedo vs Real Madrid 21h30.
NGOMSOMBULUKO
Athletic Bilbao vs Rayo Vallecano 19h30.
Sevilla vs Getafe 21h30.
* EyeSerie A yase-Italy:-
NGOMGQIBELO
Genoa vs Lecce 18h30.
Sassuolo vs Napoli 18h30.
Roma vs Bologna 20h45.
AC Milan vs Cremonese 20h45.
NGESONTO
Cagliari vs Fiorentina 18h30.
Como vs Lazio 18h30.
Juventus vs Parma 20h45.
NGOMSOMBULUKO
Udinese vs Verona 18h30.