Uphonsela inselelo abeLiverpool ngeChampions League

NGU-DOMINIK Szoboszlai ongesinye sezethenjwa zeLiverpool.

ISITHOMBE NGABE: BACKPAGEPIX

UDOMINIK Szoboszlai ongomunye wabadlali abawumgogodla kwiLiverpool yase-England, uthi kuzofanele bashintshe ukwenza uma befuna ukuzibekisela indawo emqhudelwaneni we-Uefa Champions League ngesizini ezayo.

ILiverpool izobhekana neBrighton kowe-English Premier League (EPL) ngoMgqibelo ngo-14h30.

Iya kulo mdlalo nje, ilahle amaphuzu ngeledlule ibambana ngo-1-1 neTottenham Hotspur edonsa kanzima ngale sizini.

Ukulahla amaphuzu kweLiverpool kuyikhiphele ngaphandle komngcele weChampions League, njengoba ilele isihlanu kwi-log.

NGABADLALI beLiverpool.

ISITHOMBE NGABE: BACKPAGEPIX

USzoboszlai uthi kuzofanele bashintshe ukwenza uma bezimisele ngokudlala iChampions League ngesizini ezayo.

"Siya ngokusiphelela isikhathi uma sisalokhu silahla amaphuzu kanje, sizogcina ngokungangeni kwi-top 4 okuyiyona ndawo ezosibeka kwiChampions League.

"Kuzofanele senze isiqiniseko sokuthi kasisawalahli amaphuzu kule midlalo esele," kusho uSzoboszlai.

Lo mdlali ukhuluma kanje nje, iLiverpool ivuke inj' ebomvu ngoLwesithathu ebusuku ibhaxabula iGalatasaray yaseTurkiye ngo-4-0, emlenzeni wesibili weLast 16 yeChampions League. USzoboszlai nguyena ovule inkundla.

Lo mphumela wenze kwaba ngu-4-1 uma sekuhlanganiswa nowomlenze wokuqala.

ILiverpool ilandele i-Arsenal emakilabhini ase-England adlulele kuma-quarter final alo mqhudelwano.

IManchester City iphoxile ikhishwa yiReal Madrid yaseSpain ngo-5-1 sekuhlanganiswe imilenze, kwathi iChelsea yona yabhubhudlwa yiPSG yaseFrance ngo-8-2 sekuhlanganiswe imilenze.

Imidlalo ye-EPL isiyonke ngale mpelasonto iqhathwe kanje:
NGOLWESIHLANU
Bournemouth vs Manchester United 22h00.
NGOMGQIBELO
Brighton vs Liverpool 14h30.
Fulham vs Burnley 17h00.
Everton vs Chelsea 19h30.
Leeds United vs Brentford 22h00.
NGESONTO
Newcastle vs Sunderland 14h00.
Aston Villa vs West Ham 16h15.
Tottenham Hotspur vs Nottingham Forest 16h15.
* EyeSpanish La Liga:
NGOLWESIHLANU
Villarreal vs Real Sociedad 22h00.
NGOMGQIBELO
Elche vs Mallorca 15h00.
Espanyol vs Getafe 17h15.
Levante vs Real Oviedo 19h30.
Osasuna vs Girona 19h30.
Sevilla vs Valencia 22h00.
NGESONTO
Barcelona vs Rayo Vallecano 15h00.
Celta Vigo vs Deportivo Alaves 17h15.
Athletic Club vs Real Betis 19h30.
Real Madrid vs Atletico Madrid 22h00.
* Eye-Italy Serie A:
NGOLWESIHLANU
Cagliari vs Napoli 19h30.
Genoa vs Udinese 21h45
NGOMGQIBELO
Parma vs Cremonese 16h00.
AC Milan vs Torino 19h00.
Juventus vs Sassuolo 21h45.
NGESONTO
Como vs Pisa 13h30.
Atalanta vs Hellas Verona 16h00.
Bologna vs SS Lazio 16h00.
AS Roma vs Lecce 19h00.
Fiorentina vs Inter Milan 21h45.
* Eye-French Ligue 1:
NGOLWESIHLANU
Lens vs Angers 21h45.
NGOMGQIBELO
Toulouse vs Lorient 18h00.
Auxerre vs Brest 20h00.
Nice vs Paris Saint-Germain 22h00.
NGESONTO
Olympique Lyonnais vs Monaco 16h00.
Marseille vs Lille 18h15.
Paris vs Le Havre 18h15.
Rennes vs Metz 18h15.
Nantes vs Strasbourg 21h45.