NGUMQEQESHI weBulls, uJohan Ackermann.

ISITHOMBE NGABE: BACKPAGEPIX

Nhlanhla Hudla
 
UMAGANGE ukuqeda ishobolo lokungazinqobi izindebe uJohan Ackermann ongumqeqeshi weVodacom Bulls yasePretoria, ezogadulisana neLeinster yase-Ireland kowamanqamu we-United Rugby Championship (URC) ngoLwesihlanu ngo-20h30 ekuhambeni.

Lo mqeqeshi akaqali ukudlala kowamanqamu, kwazise nguyena owayeqeqesha iLions yaseGoli ngo-2016 ngesikhathi igijima kweyamanqamu iminyaka emithathu ilandelana, nakuba yabuya ilambatha kuyona yonke.

Le midlalo yamanqamu kwabe kungeyeSuper Rugby eyayidlalwa namaqembu aseNew Zealand, e-Australia, eyase-Argentina neyaseJapan.

NGABADLALI beBulls, okubalwa kubo u-Akker van der Merwe (okwesobunxele).

IBulls yiyona emele iNingizimu Afrika, emuva kokwehlula iGlasgow Warriors yaseScotland kowandulela owamanqamu.

ILeinster yona igingqe phansi iDHL Stormers yaseWestern Cape emdlalweni obusekuhambeni.

Nyakenye lo mqhudelwano wanqotshwa yiyona iLeinster, okokuqala emlandweni wayo. Kuzokuba ngokokuqala kulo mqhudelwano ukuba iqembu livikele le ndebe uma ingagcina ngokunqoba iLeinster.