NGUSIYA Kolisi ongomunye wabadlali beSharks ababuye ekulimaleni.

ISITHOMBE NGABE: BACKPAGEPIX

SAZI M

KUBUYE abadlali abamqoka kwiHolywoodbets Sharks ephume inqina nebutho lezinsizwa eziwu-28,  ukuyobhekana ne-Ospreys yaseWales, ne-Edinburgh yaseScotland ngokwehlukana kweye-United Rugby Championship (URC).

OShaka bazobhekana ne-Ospreys ngoMgqibelo, kuthi ngoMgqibelo womhla ka-24, babhekane ne-Edinburgh.

Leli qembu laseThekwini lisalelwe yimidlalo emine ukuzama ukungena emaqenjini awu-8 azodlala imidlalo yomkhumulajezi kulo mqhudelwano.

Lisele ngamaphuzu awu-7 kwiVodacom Bulls, elele endaweni yesi-8.

Kubadlali abahambe nomqeqeshi woShaka, uJP Pietersen ukuyozama ukubuya namaphuzu azoqinisa amathemba okungena emaqenjini awu-8, kubuye ukaputeni wamaBhokobhoko, uSiya Kolisi, uJurenzo Julius, uPhepsi Buthelezi noSiya Masuku.

NGUZEKHETHELO "Mzekezeke" Siyaya ozogijima umdlalo wakhe wokuqala kwiSharks.

Emdlalweni ne-Ospreys, oShaka bazoqalisa uZekhethelo "Mzekezeke" Siyaya (18) kunombolo 15, ozokube egijima umdlalo wakhe wokuqala eqenjini elikhulu.

Selilonke iqembu likaPietersen eliyozama ukubuya namaphuzu e-Europe, limi kanje:-
Abaphambili: Corne' Rahl, Eduan Swart, Emile van Heerden, Emmanuel Tshituka, Fez Mbatha, Hanro Jacobs, Jason Jenkins, Lee-Marvin Mazibuko, Nick Hatton, Ox Nche, Phatu Ganyane, Phepsi Buthelezi, Siya Kolisi, Vincent Koch, Vincent Tshituka, Willem van den Hever
Abasemuva: Andre Esterhuizen, Bradley Davids, Edwill van der Merwe, Ethan Hooker, Jaden Hendrikse, Jean Smith, Jurenzo Julius, Le Roux Malan, Makazole Mapimpi, Ross Braude, Siya Masuku noZekhethelo Siyaya.

Selilonke iqembu elizobhekana ne-Ospreys limi kanje:- 1. Phatu Ganyane, 2. Fez Mbatha, 3. Hanro Jacobs, 4. Jason Jenkins, 5. Emile van Heerden, 6. Phepsi Buthelezi, 7. Vincent Tshituka, 8. Manu Tshituka, 9. Jaden Hendrikse, 10. Jean Smith 11. Ethan Hooker, 12. Andre Esterhuizen (C)
13. Le Roux Malan, 14. Edwill van der Merwe
15. Zekhethelo Siyaya.
Abasebhentshini: 16. Eduan Swart, 17. Ox Nche, 18. Vincent Koch, 19. Corne Rahl, 20. Nick Hatton, 21. Bradley Davids, 22. Siya Masuku, 23. Jurenzo Julius.

Isiyonke imidlalo ye-URC kule mpelasonto, imi kanje:-
NGOLWESIHLANU
Edinburgh vs Zebre 20:45.
Dragons vs Bulls 20:45
Ulster vs Leinster 20:45
NGOMGQIBELO
Stormers vs Connacht 13:45
Lions vs Glasgow Warriors 16:00
Llanelli Scarlets vs Cardiff Rugby 18:30
Ospreys vs Sharks 20:45
Benetton Rugby vs Munster 20:45

NGU-FAF de Klerk enozakwabo kumaBhokobhoko, uCheslin Kolbe bejabulela ukunqoba indebe yomhlaba.

Ubuyele eNingizimu Afrika wajoyina iziNgulule umdlali wodumo kumaBhokobhoko, odlale iminyaka kwiSales Sharks yase-England.

UFaf de Klerk - ongenye yama-scrumhalf (9) adumile emhlabeni - uhambe kuleli esuka kwiFedility Lions, eyayimthathe kwiPumas, njengoba esebuya ezojoyina iToyota Cheetahs yaseFree State.

Usayine iminyaka emibili neziNgulule azoqala ukubonakala kuzona ngoJune.

Lo mdlali usegijime imidlalo ewu-60 kumaBhokobhoko, kanti ubeyingxenye yawo ngesikhathi equkula iNdebe yoMhlaba ye-IRB ngo-2019 nango-2023.

Ubuyela kuleli nje, phesheya udlale kwiSharks, neCanon Eagles yaseJapan.