Izoshintsha amagiya iBanyana kwiWafcon

NGUTHEMBI Kgatlana weBanyana exinwe nguNina Dibilgou weBurkina Faso. 

ISITHOMBE NGABE: BACKPAGEPIX

Senzo Sokhela

UMQEQESHI weBanyana Banyana, uDesiree Ellis, uthi ezakhe kuzofanele zishintshe ukwenza uma zizimisele ngokuya emqhudelwaneni weNdebe yoMhlaba yeFifa wabesifazane ozokuba seBrazil ngonyaka ozayo.

IBanyana izobhekana neMorocco kwiQuarter final yeCAF Women's Africa Cup of Nations (Wafcon) ngoMgqibelo ngo-22h00 eStade Prince Moulay Al Hassan, eRabat, eMorocco.

Ifinyelele kulesi sigaba emuva kokwehlula  iBurkina Faso ngo-1-0 koka-group B ngoLwesibili ebusuku.

Igoli layo lishaywe nguThembi Kgatlana.

NGUFIKILE Magama edukisa uSafiatou Sam weBurkina Faso.

ISITHOMBE NGABE: BACKPAGEPIX

IBanyana idinga ukunqoba kwiMorocco ukuze izitholele ithikithi lokuya eBrazil.

"Umdlalo wethu neMorocco ngeke ube lula kwazise yiyona engosokhaya, abalandeli bayo bazokube begcwele phama ukuyoyeseka.

"Uma sizimisele ngokunqoba lo mdlalo, kuzofanele sishintshe ukwenza, sisebenze ngokuphindiwe.

"Uma ubuka umdlalo wethu neBurkina Faso, kawuzange ube muhle, sivele sashaya igoli, sahlala emuva sangabe sisadlala, samaka unomphelo.

"Kuzofanele siqhamuke nokwehlukile kulo mdlalo weMorocco uma sifuna ukuyehlula," kusho u-Ellis.

Imidlalo yamaQuarter final yeWafcon imi kanjena:-
NGOMGQIBELO
Ivory Coast vs Algeria 19h00.
Morocco vs Banyana Banyana 22h00.
NGESONTO
Cameroon vs Nigeria 19h00.
Malawi vs TBC 22h00.
* Silobe isazobangwa (yiGhana neMali) indawo yozodlala neMalawi.