IMan City kayikaliphonsi ithawula ngeligi

NGUMQEQESHI weMan City, uPep Guardiola.

ISITHOMBE NGABE: BACKPAGEPIX

AKAKALIPHONSI ithawula ngesicoco se-English Premier League (EPL) umqeqeshi weManchester City, uPep Guardiola.

ICity ilahle amaphuzu ibambana neNottingham Forest ngo-2-2 kowe-EPL ngoLwesithathu ebusuku.

Izifake enkingeni njengoba i-Arsenal ivele yavula igebe lamaphuzu awu-7 esicongweni emuva kokuba ihlule iBrighton ngo-1-0 ngalo uLwesithathu ebusuku.

UGuardiola uthi yize edumele ngomphumela, kodwa akakaliphonsi ithawula ngesicoco seligi.

"Iseminingi imidlalo esisalele, kanti i-Arsenal inomdlalo owodwa ngaphezulu kuneyethu.

"Okufanele sikugweme manje wukulahla amaphuzu kungenasidingo. Okuhle wukuthi sisazodlala nayo enkundleni yethu, okusho ukuthi ithuba sisenalo, kakukapheli ngathi," esho.

LISHIYE abathandi bebhola bengawuvali umlomo igoli lika-Anthony Gibbs-White weForest, alishaye ngesithende kwadideka unozinti weMan City, uGianluigi Donnarumma nezitobha zakhe.

* Komunye umdlalo we-EPL, kulimale irekhodi likaMichael Carrick lale sizini, ehlulwa okokuqala emidlalweni ewu-8 ebambe isikhundla sokuqeqesha iManchester United.

IMan U iguqiswe yiNewcastle United ngo-2-1, yize ziye ekhefini iNewcastle isigijima ngabadlali abawu-10, emuva kokuba uJacob Ramsey ekhishwe ngekhadi elibomvu. Beziye ekhefini zibambene ngo-1-1.

UCarrick ubesenqobe imidlalo ewu-6, wadlala ngokulingana kowodwa, selokhu ethathe lesi sikhundla kuRuben Amorim, ofakwe amasondo.

Imidlalo ye-FA Cup engempelasonto iqhathwe kanje:
NGOLWESIHLANU
Wolves vs Liverpool 22h00.
NGOMGQIBELO
Mansfield Town vs Arsenal 14h15.
Wrexham vs Chelsea 19h45.
Newcastle vs Manchester City 22h00.
NGESONTO
Fulham vs Southampton 14h00.
Leeds United vs Norwich 18h30.
* EyeSpanish La Liga:
NGOLWESIHLANU
Celta Vigo vs Real Madrid 22h00.
NGOMGQIBELO
Osasuna vs Mallorca 15h00.
Levante vs Girona 17h15.
Atletico Madrid vs Real Sociedad 19h30.
Athletic Club vs Barcelona 22h00.
NGESONTO
Villarreal vs Elche 15h00.
Getafe vs Real Betis 17h15.
Sevilla vs Rayo Vallecano 19h30.
Valencia vs Deportivo Alaves 22h00.
* EyeSerie A yase-Italy:
NGOLWESIHLANU
Napoli vs Torino 21h45.
NGOMGQIBELO
Cagliari vs Como 16h00.
Atalanta vs Udinese 19h00.
Juventus vs Pisa 21h45.
NGESONTO
Lecce vs Cremonese 13h30.
Bologna vs Hellas Verona 16h00.
Fiorentina vs Parma 16h00.
Genoa vs AS Roma 19h00.
AC Milan vs Inter Milan 21h45.
* EyeFrench Ligue 1:
NGOLWESIHLANU
Paris Saint-Germain vs Monaco 21h45.
NGOMGQIBELO
Nantes vs Angers 18h00.
Auxerre vs Strasbourg 20h00.
Toulouse vs Marseille 22h05.
NGESONTO
Lens vs Metz 16h00.
Brest vs Le Havre 18h15.
Lille vs Lorient 18h15.
Nice vs Rennes 18h15.
Olympique Lyonnais vs Paris 21h45.