Ezifingqiwe

01

Kwenzeke inhlekelele emgwaqweni uN3

ABEZIMO eziphuthumayo bathwale kanzima ngoLwesine ekuseni, betakula abantu abebe-valeleke ezimotweni eziphakathi kuka-15 kuya ku-20, emgwaqweni uN3 ngaseCliffdale, entshonalanga yeTheku.

Kuthiwa le nhlekelele yenzeke ngemuva kokuba umshayeli weloli ehlulekile wukulilawula, lakhwela phezu kwezinye izimoto.

Le ngozi idale ukuthi zivalwe zombili izinhlangothi zomgwaqo, okuwuhlangothi olubheke eMgungundlovu, nohlangothi olubheke eThekwini.

02

NGUNKZ Tsakani Maluleke ongumcwaningi mabhuku.

UNGQONQGOSHE wezeMali KwaZulu-Natal, uMnu Francois Rodgers, uhlangane neMeya kaMasipala wesiFunda uMkhanyakude, uMnu Siphile Mdaka, nezikhulu zakhona ngenhloso yokudala uzinzo kuloya masipala.

Umcwaningi mabhuku omkhulu, uNkz Tsakani Maluleke (osesithombeni), wakhipha umbiko wokuthi isimo semali asigculisi eMkhanyaku-de, okuyisimo esiholele ekutheni ukulethwa kwentuthuko emphakathini, kugqoze.

UNgqongqoshe wezokuBusa ngokuBambisana nezoMdabu KwaZulu-Natal, uMfundisi uThula-sizwe Buthelezi, uthumele umlawuli, uMnu Bamba Ndwandwe, eMkhanyakude, ukuyolu-ngisa isimo, kodwa izisebenzi kazizange zimamukele. Kwaliwa kwaze kwavalwa amahhovisi kamasipala.

IMeya uMdaka izibophezele ekutheni bazohlela kabusha indlela okusetshenziswa ngayo imali kumasipala.

03

IKOMIDI eliyisipesheli lasePhalamende, elijutshwe ukuba liphenye ngezinsolo zenkohlakalo ejulile emaphoyiseni, liyakuphika ukuthi lizohlangana noJenene uShadrack Sibiya (osesithombeni), oyiSekela likaKhomishana wamaPhoyisa kuzwelonke.

USibiya osamisiwe emsebenzini ngenxa yokuthinteka kwakhe ezinsolweni zenkohlakalo okubikwa ukuthi idla lubi emaphoyiseni, utshele izintatheli ngoLwesithathu ukuthi uzovela ePhalamende ngesonto elizayo.

Amaqembu asePhalamende iDA, EFF, neMK Party, athi awakavumelani ngokuthi ngubani ozovela ekomidini ukuzofakaza.

USibiya  ubevele enkantolo, lapho efake isicelo sokuba kuchithwe isinqumo sokuba amiswe emsebenzini, esathathwa nguJenene uFannie Masemola, onguKhomishana wamaPhoyisa kuzwelonke.

USibiya uthi uMasemola akanalo igunya lokumumisa emsebenzini.