NGU-THERLO Moosa.

ISITHOMBE NGABE: BACKPAGEPIX

Mfanafuthi Ndlovu
 
USEQALILE ukugila izimanga kwiCape Town City uTherlo Moosa obukeka esevuke emaqandeni kule sizini ka-2026/27 kwiMotsepe Foundation Championship (MFC).

UMoosa ujoyine iCity esuka kwiCape Town Spurs ngesizini edlule. Lo mdlali ubeyiqhawe iCity ishaya iThe Bees ngo-3-1 koweligi ngoLwesibili eCape Town. 

Lona bekuwumdlalo wokuqala kuJoel Masutha selokhu enikwe izintambo zokuqeqesha iThe Bees kule sizini.

UMoosa unamathisele amagoli amabili kulo mdlalo, kanti kubhekwe lukhulu kuyena uma le kilabhu isishukana neGomora United - engabhenywa - koweligi ozokuba ngoLwesihlanu ngo-15h30 e-Old Peter Mokaba Stadium, ePolokwane. 

ICity emidlalweni ewu-6 seyinqobe emithathu, yadlala ngokulingana kabili, yaguqa kowodwa, okwenza ibe namaphuzu awu-11.

Le kilabhu ilele endaweni yesithathu kwi-log kanti kubhekwe lukhulu kuyona njengoba ilwela ukubuyela kwiBetway Premiership. Ngesizini edlule kubhede ekugcineni iguqa kwiPSL National Playoffs, kwangena iMilford FC yaseRichards Bay.

NGUNALEDI Hlongwane.

ISITHOMBE NGABE: BACKPAGEPIX

* Omunye umdlali ovutha engabaselwe kwiMFC, nguNaledi Hlongwane weHope FC, emebolekwe yiKaizer Chiefs.

* Isiyonke imidlalo yeMFC engempelasonto imi kanje:-
NGOLWESIHLANU
E-Old Peter Mokaba: Gomora United vs Cape Town City 15h30.
ENelson Mandela: Highbury FC vs Lerumo Lions 15h30.
NGOMGQIBELO
EThohoyandou: Venda FC vs Magesi FC 15h30.
ELucas Moripe: Leicesterford City vs NWU 15h30.
KaNyamazane: The Bees vs Real Natives 15h30.
ETuks Stadium: University of Pretoria vs Hungry Lions 15h30.
EMxolisi Dicky: Upington City vs Orbit College 15h30.