OweBucs usongela AmaZulu FC

Senzo Sokhela

USONGELA AmaZulu FC Reserves uRoscoe Krieling ongumqeqeshi we-Orlando Pirates Reserves esempini enzima yesicoco seligi yeDStv Diski Challenge (DDC).

IBucs Reserves izobhekana namaZulu Reserves ngoMgqibelo ngo-10h00 e-UJ Soweto Campus.

Idinga iwini kumnyama kubomvu kulo mdlalo kwazise isempini enzima yesicoco seligi neMamelodi Sundowns Reserves, eyihleli ezithendeni.

UKrieling uthi amaZulu afike kabi bedinga wonke amaphuzu aphambi kwabo.
"Umdlalo ngeke neze ube lula, kodwa ngiyazwelana namaZulu ngoba afike kabi sidinga amaphuzu kumnyama kubomvu.

“Sizibekele umngomo wokuthi akuphumi lutho enkundleni yethu, nawo-ke ngiyawadabukela ngoba azohlangabezana nezimbili zithutha,'' kusho uKrieling.

Imidlalo yeDStv Diski Challenge isiyonke iqhathwe kanje:
NGOMGQIBELO
E-UJ Soweto Campus: Orlando Pirates Reserves vs AmaZulu Reserves 10h00.
ELentelus Sportsground: Stellenbosch FC Reserves vs Sekhukhune United Reserves 10h00.
ETuks Stadium: Mamelodi Sundowns Reserves vs Chippa United Reserves 10h00.
ESolomon Mahlangu Stadium: TS Galaxy Reserves vs Durban City Reserves 10h00.
NGESONTO
E-UJ Soweto Campus: Siwelele Reserves vs Magesi Reserves 10h00.
E-Olympia Park: Orbit College Reserves vs
Golden Arrows Reserves 10h00.
E-Old Peter Mokaba Stadium: Polokwane City Reserves vs Kaizer Chiefs Reserves 10h00.
E-CUT Stadium: Marumo Gallants Reserves vs
Richards Bay Reserves 10h00.