01

I-Automobile Association (AA), ithi makuqiniswe imikhankaso yokuqwashisa umphakathi, kulandela ukukhishwa kwezibalo eziveza ukuthi sandile isibalo sabantu abahamba ngezinyawo abafa emigwaqweni.

NgoMsombuluko uNgqongqoshe wezokuThutha, uNkk Barbara Creecy, uveze ukuthi cishe uhhafu wabantu abawu-176, abafe ezingozini zomgwaqo ngePhasika, bekungabahamba ngezinyayo.
Lezi zinombolo zenyuke ngo-6% uma kuqhathaniswa nesikhathi esifanayo ngonyaka odlule.

UNkz Eleanor Mavimbela okhulumela i-AA, uthi imikhankaso yezokuphepha emigwaqweni kumele kube yinto yonyaka wonke, kungabi yinto yangesi-khathi esithile.

UMNYANGO wezokuHlaliswa kwabantu usezinhle-lweni zokususa izisulu ezisanda kulinyalelwa yimizi yazo ngenxa yesimo sezulu eMlazi.

Ngeledlule amakhulu amalungu omphakathi aseMlazi, esigcemeni sakwa-H, aswele izindawo zokuhlala kulimala kanzima imizi yawo ngenxa yezimvula ezinamandla ebezihlasele. UNgqongqoshe walo mnyango, uNkk Thembi Simelane, uhambele ezindaweni ezithintekile, wakhipha umyalelo wokuba la malungu omphakathi mawasuswe, atholelwe izindawo zokuhlala zesikhashana.

03

NGUMNU Cyril Ramaphosa ofuna kuqhutshwe uphenyo.

UMENGAMELI uCyril Ramaphosa uthe uzimisele ukuthola kabanzi ngembangela yokuthi kungani amacala enzeka ngesikhathi sobandlululo avundululwa yiTruth and Reconciliation Commission, kungakashushiswa muntu ngawo.

Kubikwa ukuthi ngemuva kwale khomishini eyaphothulwa ngo-2003, abalelwa ku-400 amacala adluliselwa ophikweni lwabashushisi kuleli, iNational Prosecuting Authority (NPA).

Ekuqaleni kwalo nyaka, kuvela ukuthi eminye imindeni yezisulu zobandlululo, yafaka isicelo ngenhloso yokuthi umengameli neminye iminyango kahulumeleni ibakhokhele imali elinganiselwa ku-R167 million, njengoba isola ukuthi luyacindezelwa uphenyo lwale khomishini.

Okhulumela uRamaphosa, uMnu Vincent Magwenya, uthe umengameli uzosungula ikhomishini ngenhloso yokuthi kube nesixazululo esizotholakala ngaphandle kokuthi kuze kuyiswane enkantolo.

UNGQONGQOSHE kaGesi eNingizimu Afrika, uMnu Kgosientsho Ramakgopa (osesithombeni esingenhla), uthembisa ukukhanya kulobu busika njengoba ethi ulindele ukuthi iziphehli zikagesi kuleli, zisebenze kahle buze buphele ubusika.

URamakgopa usho lokhu ekhuluma engqungqutheleni ye-G20 emhlanganweni 
we-Energy Transition Working Group, ngoLwesithathu, lapho ethe usazokhipha umbiko ogcwele ngesimo sikagesi kulobu busika.

05

INKANTOLO yoMthethosisekelo isinqume ukuthi ukwenqabela iziboshwa ukusebenzisa amakhompyutha azo ukufunda emagunjini ezivalelwe kuwona, kuphambene nomthetho.

Kulesi sinqumo esikhishwe ngoLwesithathu, inkantolo iyalele ukuba simiswe isikhathi esingangonyaka isinqumo sokwenqabela iziboshwa ukusebenzisa amakhompyutha, yayalela uKhomishana wezokuHlunyeleliswa kweziMilo ukuphuthumisa izinhlelo zokwenza lesi sinqumo sifinyelele kuwo wonke umuntu osebenzela lo mnyango.

Ngokombiko weGroundUp, inkantolo ithe iziboshwa ezibhalise ezikhungweni zemfundo ephakeme, ezidinga ukusebenzisa ikhompyu-tha, zizovunyelwa ukuyisebenzisa, kodwa kumele zemukele ukuthi angahlolwa noma nini.

Lolu daba belufakwe kule nkantolo ngungqongqoshe wezobuLungiswa nokuHlunyeleliswa kweziMilo nokhomishana wezokuHlunyeleliswa kwezimilo kuzwelonke.