Ezifingqiwe

01

UZOBUKWA okokugcina umdlalo wakwaSABC 2, owabeka ulimi lweTshivenda ebalazweni, uMuvhango. I-Word of Mouth Productions, imemezele ukuthi le ntandokazi yomdlalo esikhonjiswe iminyaka ewu-27, isiyaphela.

Waqala ukhonjiswa ngomhlaka 7 kuMbasa (April), 1997.
Kuzoba nesizungu kubabukeli ebebezifela ngo-Edward, uCathrine, uDoobsie, uDoris, uChief Azwindini, uThandaza, uJames, uMulalo, uKK nomndeni wasebukhosini.

UMuvhango wabhalwa waqondiswa nguMnu Duma kaNdlovu, ohlonishwayo emkhakheni wokudidiyela imidlalo. Isiqephu sokugcina siyokhonjiswa ngomhla ka-8 kuNcwaba. Umdlalo i"Pimeville Queens", uzongena esikhundleni soMuvhango.

UZOBUKWA okokugcina umdlalo wakwaSABC 2, owabeka ulimi lweTshivenda ebalazweni, uMuvhango. I-Word of Mouth Productions, imemezele ukuthi le ntandokazi yomdlalo esikhonjiswe iminyaka ewu-27, isiyaphela.

Waqala ukhonjiswa ngomhlaka 7 kuMbasa (April), 1997. Kuzoba nesizungu kubabukeli ebebezifela ngo-Edward, uCathrine, uDoobsie, uDoris, uChief Azwindini, uThandaza, uJames, uMulalo, uKK nomndeni wasebukhosini.

UMuvhango wabhalwa waqondiswa nguMnu Duma kaNdlovu, ohlonishwayo emkhakheni wokudidiyela imidlalo. Isiqephu sokugcina siyokhonjiswa ngomhla ka-8 kuNcwaba. Umdlalo i"Pimeville Queens" uzongena esikhundleni soMuvhango.

                  02

Kusungulwa ikhomishana
ezophenya ngeTRC

UMENGAMELI uCyril Ramaphosa usejube iJaji eselathatha umhlalaphansi, uSisi Khampepe, ukuthi liphenye ngokubambezeleka kokushushiswa kwabantu abatholwe yiKhomishana yamaQiniso nokuBuyisana, bethinteka emacaleni abucayi.

I-Truth and Reconciliation Commission (TRC) yasungulwa wuhulumeni owawuholwa nguMengameli uNelson Mandela ngo-1996, ukuthi ibheke izehlakalo ezenzeka ngesikhathi sobandlululo.

UMengameli Ramaphosa uthi umsebenzi awukakaqedwa ngoba imibiko yezinye izinto ezaziphenywa, ayikethulwa. UBishop Desmond Tutu (ongasekho), nguyena owaba nguSihlalo wokuqala weTRC.

03

KUSUKE esinamathambo ngesikhathi amaphoyisa egasela efemini ethunga izingubo KwaDukuza. Amaphoyisa athole abokufika abawu-300, abangenazo izimvume zokuba kuleli zwe besebenza, bethunga enkampanini yakwaGenroy Clothing.

Ngesikhathi amaphoyisa egasela, izisebenzi zizamile ukukhiya amasango, kodwa agcina ekwazile ukungena. 

Ngesikhathi esephakathi efemini, abaphathi bazamile ukukhipha izisebenzi bazixuba, ezakuleli nalezo ezilapha ngokungemthetho.

Ezinye izisebenzi zizamile ukubaleka, kodwa kwaba nhlanga zimuka nomoya. UMnyango wezaseKhaya, uthole ukuthi iningi lalezi zisebenzi ngezesifazane, zidabuka eMalawi.

04

UNGQONQGOSHE eHhovisini likaMengameli, uNkz Khumbudzo Ntshavheni, uthi isinqumo se-Economic Freedom Fighter (EFF), sokuya enkantolo ngodaba lokwenyuswa kwentela ka-petrol nodizili ngeke kushintshe isinqumo esesithathiwe.

I-EFF iye eNkantolo eNkulu yaseWestern Cape, iyofaka icala, ifuna isinqumo sokufaka le ntela siguqulwe. IDA ne-EFF bakwazi ukuvimba ukuthi iVAT ingafakwa, njengoba kugcine sekuphindwa isabelomali. UNgqongqoshe uNtshavheni uthi yilungelo layo i-EFF ukuya enkantolo.