Ubhekwe ngabomvu oweSavanna Comics Choice Award

Thandi Zondi

ABHEKWE ngabomvu ama-13th Savanna Comics’ Choice Comedy Award, akulo nyaka njengoba kugcwele osomahlaya abahlonishwayo, futhi asebezenzele igama kulo mkhaka.

Emunxeni obhekwe kakhulu weComedian of the Year noweHeadliner of the Year,  kuqokwe uCeleste Ntuli (osesithombeni esingenhla), uSkhumba Hlophe, uMpho Popps, uKagiso KG Mokgadi noSifiso Nene, oke wakhuluma neLANGA Lempelasonto phambilini, ngokukhula emkhakheni wezamahlaya, nokukwazi ukufinyelela kwezinye izinhlanga.

UNene (osesithombeni esingezansi), oqokwe kwiHeadliner of the Year, noseqede iminyaka ewu-15 kulo mkhakha, uthi konke lokhu bekungeke kwenzeke ngaphandle kokwesekwa ngabantu.

Uzakhele ugazi ngemicimbi yamahlaya okubalwa kuyo ethi, 'Baby Mama Drama', nethi, 'Because of Success.

Kuzophinde kubungazwe nalabo abangagxilile emkhakheni wabo kuphela, kepha abaqhubekayo, bangene kwezamafilimu nakopopayi.

Kulo munxa obizwa ngeBeyond The Mic Award, kume kanje:
- UKagiso Lediga ngezwi lakhe njengoRafiki, kwiThe Lion King
- ULazola Gola ngephimbo likaTrevor, kwiRelooted
- UTrevor Gumbi ngendawo ephambili ayilingisa kwiCop & a Half
- UTumi Morake ngendawo ayilingisa kwi-First Totem Problems
- UTumi Morake (osesithombeni esingezansi), ngephimbo likaLuso, kwiRelooted.

Best Friend of Comedy Award
- Bash Daniels
- Bongani Dube
- Loyiso Gola
- Shanray
- Yaaseen Barnes

The Legacy Award
- David Kau
- Kagiso Lediga
- Loyiso Gola
- Skhumba Hlophe
- Trevor Gumbi

Abathandi bamahlaya nabo bazokwazi ukuvotela eminye yeminxa, okuyiBest Comedy Festival or Show Award, iBreakthrough Act of the Year Award neComedic Content Award.
 
Ukuvota kuvulwe kuze kushaye umhla ka-15 April 2026.
Lo mcimbi uzoba ngomhla ka-02 May 2026, eGold Reef City’s Lyric Theatre.