Isifo sikashukela singadala ukungasebenzi kahle kwenduku

Ungoti ukhuthaza abasola izinkinga zasekamelweni ukuphuthuma, babonane nodokotela

ISIFO sikashukela (diabetes mellitus) siwuhlobo lwesifo esiwumashayabhuqe emiphakathini yethu, kanti ezinye zezinkinga ezihambisana naso, wukungasebenzi kahle kwesitho sangasese sowesilisa, okubizwa nge-erectile dysfunction (ED).

Kuthiwani ngoshukela?
Ushukela wuhlobo lwesifo lapho umzimba ungasebenzi kahle ekulawuleni izinga likashukela egazini. 

Wehlukaniswa ngezinhlobo ezimbili: 
Uhlobo 1: Lapho umzimba ungasawukhiqizi nhlobo ushukela obalulekile (i-insulin) •
Uhlobo 2: Lapho umzimba ukhiqiza i-insulin, kodwa ingasebenzi ngendlela efanele, noma umzimba awuyisebenzisi kahle.

Izinga eliphezulu likashukela egazini lingalimaza imithambo yegazi nemithambo yokuqonda, okuholela ezinhlotsheni ezahlukene zezinkinga, kuhlanganisa nokungasebenzi kahle kwenduku. 

Kuxhumene kanjani nokungasebenzi kahle kwenduku?
I-erectile dysfunction yenzeka lapho igazi lingakwazi ukufinyelela kahle esithweni sangasese, noma lingahlali isikhathi esanele ukuze indoda ikwazi ukwenza ucansi.

Lokhu kungadalwa yizinto eziningi ezihlobene noshukela:
• Ukulimala kwemithambo yegazi: Ushukela ophezulu uhlasela imithambo emincane, okubangela ukuthi igazi lingasahambi kahle.
• Ukulimala kwemithambo yokuqonda (nerve damage): Lokhu kwenza kube nzima ukuthumela imiyalezo efanele evela ebuchosheni iye esithweni sangasese.
• Ukungalingani kwamahomoni: I-insulin eningi noma enganele ingaphazamisa amazinga e-hormone ebizwa nge-testosterone, ephathelene nenkanuko/ukulangazelela kowesilisa.

Yiziphi izimpawu ezibhekelelwe?
• Ukungalungi ngesikhathi sokumisa induku
• Ukungakwazi ukuyigcina iqinile isikhathi esanele
• Ukuncipha kokulangazelela ucansi
• Ukuhlukumezeka empilweni yomshado noma yobudlelwano

Kungagwemeka yini lokhu?
Yebo, kunezindlela zokuvikela:
• Gwema ushukela omningi, amafutha amaningi, ukudla okusetshenzwe kakhulu (processed).
• Zivocavoce okungenani imizuzu ewu-150 ngesonto yokuhambangezinyawo, ukuhamba ngebhayisikili, noma ukubhukuda.
• Gwema ukuphuza utshwala ngokweqile nokuyeka ukubhema.
• Hlolwa njalo: Hlola izinga likashukela, umfutho wegazi, ne-cholesterol njalo.

Ushukela akusona isifo sokunganaki, futhi izinkinga ezifana ne-erectile dysfunction ziyisexwayiso sokuthi umzimba awusebenzi kahle.

Kubalulekile ukuthi amadoda asuke esola izinkinga eziphathelene nezocansi ukuba ayobonana nodokotela, ngenhloso yokusizakala.

Kungcono ukusukumela phezulu kunokwelapha sekwedlule isikhathi. Hlala uqaphile, uphile kahle!

Uma udinga usizo noma ulwazi olwengeziwe, sicela uze eThe blue Clinic, sikhona ukukusiza. Sinamahhovisi aseMhlanga atholakala ku-031 309 1832 noma kuWhatsApp ku-060 787 9941, naseGoli ku-011 568 7481 nakuWhatsapp ku-064 347 7615.