NGUMQEQESHI weManchester City, uPep Guardiola.

ISITHOMBE NGABE: BACKPAGEPIX

UZWAKALISE ukukhathazeka ngesimo sabadlali bakhe umqeqeshi weManchester City yase-England,  uPep Guardiola, emuva kokuba le kilabhu iguqise iBrentford ngo-2-0 kwiQuarter final yeCarabao Cup ngoLwesithathu ebusuku.

Kulo mdlalo lo mqeqeshi ubenze izinguquko ezinqala njengoba enze ushintsho lwabadlali abawu-7 esikwatini esigcine ukudlala neCrystal Palace koweligi, sawunqoba ngo-3-0.

ICity isithanda ukubuyela egiyeni eyaziwa ngalo. Lokho kufakazelwa wukuvaleka kwegebe phakathi kwayo ne-Arsenal - ehleli esicongweni - esivukwe yisifo sayo esidala sokungakwazi ukugcina umgqigqo phezu kokuba iyiqale kahle isizini.

"Ngijabule ngezinga elikhonjiswe ngabanye babadlali bami. Into engiyiqaphelile wukuthi ngemizuzu yokugcina besebekhombisa ukukhathala, okuyinto engikhathazayo.

"Ngifisa ukuba sifake umfutho umdlalo uqala uze uyophela," esho.

NGU-GUARDIOLA enika abadlali bakhe amaqhinga okusobozela izitha.

ISITHOMBE NGABE: BACKPAGEPIX

Ngokunqoba lo mdlalo, iCity isizobhekana neNewcastle United, ehlule iFulham ngo-2-1 kuwona lo mqhudelwano.

INewcastle yiyona evikela le ndebe eyiqukule ngoMarch wanonyaka, ngokuhlula iLiverpool ngo-2-1. Ibiqeda isomiso seminyaka ewu-70 yagcina ukuphakamisa indebe.

 Kwenye i-semi final, kuzobhekana iChelsea nozonqoba phakathi kwe-Arsenal neCrystal Palace.

ICity izozama nokuqhubeka nokuqoqa amaphuzu kwi-English Premier League (EPL) njengoba izogadulisana neWest Ham ngoMgqibelo ngo-17h00.

Isiyonke imidlalo ye-EPL ihlelwe kanje:
NGOMGQIBELO
Newcastle vs Chelsea 14h30.
Wolves vs Brentford 17h00.
Man City vs West Ham 17h00.
Brighton vs Sunderland 17h00.
Bournemouth vs Burnley 17h00.
Tottenham vs Liverpool 19h30.
Leeds United vs Crystal Palace 22h00.
Everton vs Arsenal 22h00.
NGESONTO
Aston Villa vs Man United 18h30.
NGOMSOMBULUKO
Fulham vs Forest 22h00.
* EyeSpanish La Liga:
NGOLWESIHLANU
Valencia vs Mallorca 22h00.
NGOMGQIBELO
Oviedo vs Celta Vigo 15h00.
Levante vs Real Sociedad 17h15.
Osasuna vs Alaves 19h30.
Real Madrid vs Sevilla 22h00.
NGESONTO
Girona vs Atletico Madrid 15h00.
Villarreal vs Barcelona 17h15.
Elche vs Rayo Vallecano 19h30.
Real Betis vs Getafe 22h00.
NGOMSOMBULUKO
Athletic Club vs Espanyol 22h00.
* EyeSerie A yase-Italy:
NGOMGQIBELO
Lazio vs Cremonese 19h00.
Juventus vs Roma 21h45.
NGESONTO
Cagliari vs Pisa 13h30.
Sassuolo vs Torino 16h00.
Fiorentina vs Udinese 19h00.
Genoa vs Atalanta 21h45.