Woza Nazo Mzala!

NGUMNU Musa Mseleku namakhosikazi akhe.

He he he! Yazi uma uma ubuka lolu hlelo okuthiwa Uthando Nes’thembu, ungathi ubuka lo mdlalo wakudala, okuthiwa yiKwakhala Nyonini.

UMusa Mseleku noMadlanduna yizithupha ziya egwayini, bakwi-same WhatsApp group.

Uzibiza ngani konje Mthombeni enweshulwa ngabafazi?
Hhayi-bo abasakunweshuli wena, bayakudikadika.

Uyazi lo mndeni wakwaMseleku ungathi bonke baqale kuma-auditions. Hhayi nine-drama bo!

Ake sihlebe phela babakhe; kanti wena awuntongelanga yini eshungwini lamakhehla akutshele ukuthi abafazi bathuliswa ngenduku yethusi?

Kodwa sengimane ngibuza nje. Laba kwathusi ngeke lisabethusa.

Weh MaYeni ntombo (ongowesibili esithombeni ukusuka kwesobunxele)! Uyazi bengithi uzilungele Shibase. Hhi mama uyajika esiswini njengotshwala, uwena ongenza ngibone ukuthi cha, akusateketiswana-ke manje.

Ngiyayithanda indlela obhoka ngayo njengoba usho ukuthi ufedaphu. Makhum’s (ongowesithathu esithombeni) ghelo, yini eyenza ungafuni enye ingane idle ushizi?
Yingoba nakhu sekungene wena kwaMseleku?

Ngabe ulwa impi yesibongo esiqala ngo-K, noma eyesigodi?

Indoda kuthiwa yimbazo ntombi. Kuyabolekwana. Okusho ukuthi nisazokhala ngoba uMzala uzongena, azoba ngunombolo seveni.

Kodwa iyangichaza le ngoma yenu ethi: "nizosala niyincenga”. Ncengani umendo wenu.
Yeka uMseleku esanithengela izimoto zomntakabani,
naningakhonondi.

NGUMTHOKOZISI Ndaba. 

Akuvumi uMzala athule ngoMthokozisi wama-Idols

KWENZEKANI ngomculi uMthokozisi Ndaba, lo owayekuma-Idols?

Hhayi bahlali 'is not make sure' kule nsizwa. Muva nje isanda kuhhemela uTNS, ithi ngoba nakhu esedumile, akasabuyi ukuzotakula abanye.

Kayigcinanga lapho, yamnameka ngezinhlamba ezinyantisayo.
Hawu Mthokozisi, kanti ungenwe yini boy?

Uyabonakala ukuthi udinga usizo. Khuluma baba sikusize, sesadlula isikhathi sokuthi 'indoda ayikhali'. Khala sikuzwe bafo.

NGUSIV Ngesi okhonze ukungagqoki. 

KODWA samenzani uSiv Ngesi ohlezi ebona sifanelwe wukubuka izinqa zakhe.

Ngeke bahlali, le nsizwa kayizwani neze nokugqoka. Uma engasantuzi kwi-pole (njengasesithombeni esingezansi), uhamba nge-underwear (njengasesithombeni esingenhla).

Nakhu-ke kulokhu ubone kungcono ukuthi abe ngudunudunu. Hhayi kulungile ndoda.

Uma izinto zikaMzala singasahambi kahle, useyokwazi ukuthi wabuka izinqa zakho.

UKUDANSA kwi-pole yiyona nto ayikhonzile uSiv Ngesi.