NGU-KEAGAN Dolly

ISITHOMBE NGABE: BACKPAGEPIX

Mfanafuthi Ndlovu

LISALOKHU ligadlile njalo izembe kwiCape Town City egijima kwiMotsepe Foundation Championship (MFC), evale isizini edlule ngenothi eliphansi kulesi sigaba yehluleka ukunyukela kwiBetway Premiership.

Ukukhala kwale kilabhu ngaphansi emidlalweni yePSL Promotional play-offs kuholele ekutheni imbazo ikhale kobengumqeqeshi wayo uJan Vreman, indawo yakhe yathathwa ngu-Andries Ulderink waseNetherlands.

NGUNJABULO Ngcobo.

ISITHOMBE NGABE: BACKPAGEPIX

Kuthiwa abaphathi bale kilabhu sebefake inqwaba yabadlali amasondo kubona okukhona uKeegan Dolly owake wayibamba kwiMamelodi Sundowns nakwiKaizer Chiefs, uSfiso Ngobeni osuka kwiSundowns, uSphamandla Dondolo, uDzenan Zjamovic owagqama kwiTS Galaxy noNjabulo Ngcobo owake wadlala kwiChiefs.

Bonke laba badlali kutholakale ukuthi u-Ulderink akayingeni eyabo njengoba kuthiwa ulibeke ngesihloko elokuthi kabekho ezinhlelweni zakhe, uzimisele ngokudlalisa ibhola elehlukile ngesizini ezayo.

Emidlalweni yokuhlungela ukunyukela esigabeni esikhulu, iCape Town City yehluleke neMagesi FC njengoba kugcine kunqoba iMilford FC yaseRichards Bay.

Bobabili iCity neMagesi sebake badlala esigabeni esikhulu kodwa babuye badliwa yizembe.