NGUMBEKEZELI Mbokazi weChicago Fire yase-USA, ozakhele udumo kwi-Orlando Pirates.

IZOBHEKANA nekilabhu yomdlali wodumo kwiKaizer Chiefs kunsonsotha izinhliziyo iChicago Fire - edlala kwi-Eastern Conference yeMajor Soccer League (MLS), e-USA - okugijima kuyona uMbekezeli “TLB” Mbokazi, emuva kokuba iguqiselwe ekhaya yiSt Louis City ngo-2-1 kwiLast 16 ye-US Open Cup ngoLwesithathu.

 UMbokazi - obengekho emdlalweni odlule ngesikhathi iChicago ibhubhudla iKansas City ngo-5-0 koweligi ngoMgqibelo odlule - ukhishwe ngomzuzu ka-85 kulo mdlalo.

IChicago yiyona ebone kuqala imbobo yamapali  ngomzuzu ka-63, nokho yahuqa ubuthongo, izitha zalinganisa ngoka-71, zashaya elokuwina ngoka-79.

Lokhu kusho ukuthi uMbokazi noPutso Dithejane - othengwe yiChicago kwiTS Galaxy egijima kwiBetway Premiership - sekumele bagxilise imiqondo yabo emidlalweni yeligi.

NGU-TEENAGE Hadebe wodumo kwiKaizer Chiefs, ogijima kwiCincinnati yase-USA.

EzeTLB zilele endaweni yesithathu ngamaphuzu awu-17 emidlalweni ewu-9 kwi-log ye-eastern conference, enamakilabhu awu-15, zilandela i-Inter Miami - okugijima kuyona uLionel Messi, wodumo lokuwola amaBallon D’or, esagijima kwiFC Barcelona yaseSpain - elele endaweni yesibili ngamaphuzu awu-19 emidlalweni ewu-10.

Abathandi bebhola base-USA, bebezitshela ukuthi zizoziphuzela isobho kwiLouis City kwazise ilele endaweni ka-14 ngamaphuzu awu-6, emidlalweni ewu-9, kwi-western conference, nayo enamakilabhu awu-15.

NgeSonto, iChicago izobhekana neCincinnati okugijima kuyona uTeenage Hadebe waseZimbawe, owaduma egijima kwiChiefs.

Isiyonke imidlalo ye-English Premiership kule mpelasonto imi kanje:-
NGOLWESIHLANU
Leeds United vs Burnley 21:00.
NGOMGQIBELO
Brentford vs West Ham 16:00.
Newcastle vs Brighton 16:00.
Wolves vs Sunderland 16:00.
Arsenal vs Fulham 18:30.
NGESONTO
Bournemouth vs Crystal Palace 15:00
Manchester United vs Liverpool 16:30
Aston Villa vs Tottenham Hotspur 20:00
NGOMSOMBULUKO
Chelsea vs Nottingham Forest 16:00.
Everton vs Manchester City 21:00
* EyeSpanish La Liga:-
NGOLWESIHLANU
Girona vs Mallorca 21:00.
NGOMGQIBELO
Villarreal vs Levante 14:00.
Valencia vs Atletico Madrid 16:15.
Deportivo Alaves vs Athletic Club 18:30.
Osasuna vs Barcelona 21:00.
NGESONTO
Celta Vigo vs Elche 14:00.
Getafe vs Rayo Vallecano 16:15.
Real Betis vs Real Oviedo 18:30.
Espanyol vs Real Madrid 21:00.
NGOMSOMBULUKO
Sevilla vs Real Sociedad 21:00.
* EyeFrench League 1
NGOMGQIBELO
Nantes vs Marseille 14:00.
Paris Saint-Germain vs Lorient 16:00.
Metz vs Monaco 18:00.
Nice vs RC Lens 20:05.
NGESONTO
Lille vs Le Havre 14:00.
Auxerre vs Angers16:15.
Paris FC vs Brest16:15.
Strasbourg vs Toulouse 16:15
Lyon vs Rennes 19.45
* Eye-Italian Serie A
NGOLWESIHLANU
Pisa vs Lecce 19:45.
NGOMGQIBELO
Udinese vs Torino 14:00.
Como vs Napoli 17:00
Atalanta vs Genoa 19:45
NGESONTO
Bologna vs Cagliari 11:30
Sassuolo vs AC Milan 14:00
Juventus vs Verona 17:00
Inter Milan vs Parma 19:45
NGOMSOMBULUKO
Cremonese vs Lazio 17:30
Roma vs Fiorentina 19:45