Siyazishwashwatha

01 Ochithwe yiSundowns usayiniswe ngeyase-Uruguay

NGU-LUCAS Suarez.

ISITHOMBE NGABE: BACKPAGEPIX

ISITOBHA sase-Argentina esilaxazwe yiMamelodi Sundowns, uLucas Suares (30), sisayiniswe yiLiverpool yase-Uruguay.

Lesi sitobha sisayine kwiSundowns maphakathi nesizini edlule sisuka kwiClub Atletico Lanus yangakubo.
Nokho sishaye into ephansi sabe sesidedelwa ngokuphela kwesizini. Kuvela ukuthi sesitakulwe yile kilabhu yase-Uruguay.

02 Izogijinywa ngoMgqibelo ozayo imidlalo yamaSemi final eMTN8

IPREMIER Soccer League (PSL) seyilumemezele usuku nezinkundla zemidlalo yomlenze wokuqala wamaSemi final eMTN8.

I-Orlando Pirates izobhekana neMamelodi Sundowns ngoMgqibelo ozayo, womhla ka-16 kuNcwaba (August) ngo-15h00 e-Orlando Stadium, eSoweto, kuthi iStellenbosch FC yamukele iSekhukhune United ngosuku olufanayo ngo-18h00 eDanie Craven Stadium.

03 Lugcine lugobile uphondo ngeMFC kwiCape Town City

NGUSIFISO Ngobeni

ISITHOMBE NGABE: BACKPAGEPIX

ICAPE Town City esikuvumile ukuthi iyodlala kwiMotsepe Foundation Championship - emuva kokugoloza isikhathi eside - isayinise uSifiso Ngobeni (28) obesanda kukhonjwa indlela yiMamelodi Sundowns abesehlale amasizini amathathu kuyona.

UNgobeni usayina kwiCity nje, ngesizini edlule ubebolekwe AmaZulu FC. Kuthiwa noGavin Hunt ubemufuna kwiDurban City, kodwa waqoma iCape Town City.

04 IDurban City isayinise uSiphelele Mthembu obekwiKZN Academy

NGUSPHELELE Mthembu.

IDURBAN City engomakoti beBetway Premiership, isayinise uSiphelele Mthembu (20) obedlala kwiKZN Academy.
Usayine inkontileka yeminyaka emithathu nale kilabhu.
Ngesizini edlule ubegijima kwiSinenkani FC yase-Eastern Cape.