17 | Ezemidlalo
Friday, 22 August 2025
IChiefs imelwe ngabadlali ababili kwiBafana
Kufakwe noKhuliso Mudau ongadlaliswa kwiDowns 'abambe isiteleka kuyona'
NGUMDUDUZI Shabalala weChiefs, oqokwe eqenjini leBafana elisazohlungwa.
ISITHOMBE NGABE: BACKPAGEPIX
IMELWE nguMduduzi Shabalala noBradley Cross iKaizer Chiefs eqenjini likaHugo Broos ololonga iBafana Bafana, elizogijima imidlalo yokuhlungela iNdebe yoMhlaba yeFifa neLesotho kanye neNigeria ngomhla ka-5 nangomhla ka-9 kuSeptember.
Nokho laba badlali basengaphuma njengoba uBroos ememezele abadlali abawu-48, asazobahlunga njengoba edinga abawu-24 nje kuphela ukuya nabo kule midlalo.
UKhuliso Mudau oyisitobha seMamelodi Sundowns, ufakiwe kulesi sikwati yize engakaze agijime ngisho umdlalo owodwa ngale sizini njengoba kuthiwa "usesitelekeni", ufuna ukuhamba kule kilabhu yakwaMotsepe.
Ilanga Lempelasonto