Owodumo kwiChiefs usefuna ukuyodlala noCR7

NGU-CRISTIANO Ronaldo noRanga Chivaviro.

Senzo Sokhela

UFUNA ukwenza ikilabhu yakhe yaseSaudi Arabia edlala kwiDivision 1 isitebhisi sokunyukela eligini enoju yakhona, iSaudi Pro League umgadli waseNingizimu Afrika ogila izimanga kuliya lizwe.

URanga Chivaviro (33) ongumgadli wakuleli, ujoyine i-Al-Adalah SC edlala kwiDivision 1 eSaudi Arabia ekuqaleni kwale sizini emuva kokuba ekhonjwe indlela yiKaizer Chiefs.

Selokhu efike kule kilabhu ugila izimanga njengoba eseshaye amagoli awu-7 emidlalweni ewu-8 ilandelana.

Lo mgadli odabuka eMpumalanga, ekhuluma naleli phephandaba, uthi inhloso yakhe wukuzibona enyukela eligini ephethe uju, iSaudi Pro League.

"Inhloso ngokuza kulesi sigaba bekuwukuthi ngizakhele igama ukuze ngihehe amakilabhu adlala kwesiphakeme, okuyisona esiphethe imali.

"Nami kungangijabulisa ukuyodlala lapho okudlala khona uCristiano Ronaldo, yingakho ngifuna ukwenza kahle lapha. Kodwa-ke kusafanele ngiqhubeke nokwenza kahle ngoba luselude uhambo," esho. 

Baningi abadlali abajoyine iSaudi Pro League emuva kokuba uRonaldo esayine kwi-Al Nassr. 

Kulaba badlali kubalwa kubo uKarim Benzema waseFrance owayenguzakwabo kaRonaldo kwiReal Madrid yaseSpain, uSadio Mane waseSenegal owayegijima kwiLiverpool yase-England, uNeymar Jr owayesuka kwiBarcelona yaseSpain - nokho osedlala kwiSantos yangakubo eBrazil - uRoberto Firmino waseBrazil owayekwiLiverpool, uN'golo Kante waseFrance owayekwiChelsea yase-England, noRiyad Mahrez wase-Algeria owayekwiManchester City yase-England.

Imidlalo ye-English Premier League engempelasonto iqhathwe kanje:-
NGOMGQIBELO
Brentford vs Brighton 17h00.
Aston Villa vs Leeds United 17h00.
Chelsea vs Burnley 17h00.
West Ham vs Bournemouth 19h30.
Manchester City vs Newcastle 22h00.
NGESONTO
Crystal Palace vs Wolves 16h00.
Nottingham Forest vs Liverpool 16h00.
Sunderland vs Fulham 16h00.
Tottenham Hotspur vs Arsenal 18h00.
* EyeSpanish La Liga yona imi kanje:
NGOLWESIHLANU
Athletic Club vs Elche 22h00.
NGOMGQIBELO
Real Sociedad vs Real Oviedo 15h00.
Real Betis vs Rayo Vallecano 17h15.
Osasuna vs Real Madrid 19h30.
Atletico Madrid vs Espanyol 22h00.
NGESONTO
Getafe vs Sevilla 15h00.
Barcelona vs Levante 17h15.
Celta Vigo vs Mallorca 19h30.
Villarreal vs Valencia 22h00.
* Eye-Italy Serie A:
NGOLWESIHLANU
Sassuolo vs Hellas Verona 21h45.
NGOMGQIBELO
Juventus vs Como 16h00.
Lecce vs Inter Milan 19h00.
Cagliari vs Lazio 21h45.
NGESONTO
Genoa vs Torino 13h30.
Atalanta vs Napoli 16h00.
AC Milan vs Parma 19h00.
AS Roma vs Cremonese 21h45.
* EyeFrench League 1:
NGOLWESIHLANU
Brest vs Marseille 21h45.
NGOMGQIBELO
Lens vs Monaco 18h00.
Toulouse vs Paris 20h00.
Paris Saint-Germain vs Metz 22h05.
NGESONTO
Auxerre vs Rennes 16h00.
Angers vs LOSC Lille 18h15.
Nantes vs Le Havre 18h15.
Nice vs Lorient 18h15.
Strasbourg vs Olympique Lyonnais 21h45.