Ipheka iyathulula eye-EPL eseyixoshe abalolongi abathathu

NGU-ANGE Postecoglou.

ISITHOMBE NGABE: BACKPAGEPIX

UMQEQESHI uxoshwe enezinsuku eziwu-114 ethathe umsebenzi wokucija iNottingham Forest, edlala kwi-English Premier League (EPL).

Abaphathi beForest kubame emphinjeni ukucazelana kwale kilabhu amaphuzu neWolverhampton Wanderers ebambe ibhuleki kwi-log ye-EPL emdlalweni obungoLwesithathu, okwenze bafaka amasondo uSean Dyche (54).

Lo mqeqeshi ujoyine iForest ngo-October kwinkontileka obekufanele iphele maphakathi no-2027.

Ungumqeqeshi wesithathu ukuxoshwa yile kilabhu kule sizini njengoba izembe laqala lakhala kuNuno Espirito Santo, okwenza kwaqashwa u-Ange Postecoglou wase-Australia, naye owahlala izinsuku eziwu-39 nje kuphela kulo msebenzi, okwamenza umqeqeshi wokuqala ukushesha ukuxoshwa emlandweni we-EPL.

NGU-NUNO Espirito Santo

ISITHOMBE NGABE: BACKPAGEPIX

IForest ihleli kunombolo 17 kwi-log emuva kokugijima imidlalo emithathu ilandelana inganqobi. Yehluleke wukunqoba iWolves nje, yakhe amathuba awu-35 kulo mdlalo.

Kulindeleke ukuba iqoke umlolongi wesine kule sizini ngaphambi komdlalo wayo we-Europa League ezowugijima neFenerbahce ngoLwesine oluzayo.

* Imidlalo ye-EPL iqhathwe kanje:
NGOMGQIBELO
Brentford vs Brighton 17h00.
Aston Villa vs Leeds United 17h00.
Chelsea vs Burnley 17h00.
West Ham vs Bournemouth 19h00.
Manchester City vs Newcastle 22h00.
NGESONTO
Crystal Palace vs Wolves 16h00.
Nottingham Forest vs Liverpool 16h00.
Sunderland vs Fulham 16h00.
Tottenham Hotspur vs Arsenal 18h30.
* EyeSerie A yase-Italy:
NGOLWESIHLANU
Pisa vs AC Milan 21h45.
NGOMGQIBELO
Como vs Fiorentina 16h00.
Lazio vs Atalanta 19h00.
Inter Milan vs Juventus 21h45.
NGESONTO
Udinese vs Sassuolo 13h30.
Cremonese vs Genoa 16h00.
Parma vs Hellas Verona 16h00.
Torino vs Bologna 19h00.
Napoli vs AS Roma 21h45.
* EyeSpanish La Liga:
NGOLWESIHLANU
Elche vs Osasuna 22h00.
NGOMGQIBELO
Espanyol vs Celta Vigo 15h00.
Getafe vs Villarreal 17h15.
Sevilla vs Alaves 19h30.
Real Madrid vs Real Sociedad 22h00.
NGESONTO
Oviedo vs Ath Bilbao 15h00.
Rayo Vallecano vs Atletic Madrid 17h15.
Levante vs Valencia 19h30.
Mallorca vs Betis 22h00.