Unukelwa yisicoco se-Afcon umqeqeshi weBafana

NGUMQEQESHI weBafana Bafana, uHugo Broos.

ISITHOMBE NGABE: BACKPAGEPIX

Senzo Sokhela

UNUKELWA yigolide, hhayi okungaphansi kwalokho uHugo Broos ongumqeqeshi weBafana Bafana ezobhekana ne-Angola emdlalweni wokuvula u-group B emqhudelwaneni we-Africa Cup of Nations (Afcon) ngoMsombuluko ngo-19h00 eMorocco.

Lo mqhudelwano obhekwe ngabomvu, uzovulwa ngokusemthethweni ngeSonto khona eMorocco, engosokhaya, usongwe ngomhla ka-18 kuJanuary wonyaka ozayo.

IBafana ibhekise amabombo eMorocco ngoLwesithathu igcwele okukhulu ukuzethemba.

Yehlule iGhana B ngo-1-0 kowokugcina wokuzicija ngoLwesibili eSoweto.

NGU-BROOS ejabula nabadlali emuva kokuba iBafana iphumelele ukuya emidlalweni yeNdebe yoMhlaba yeFifa yangonyaka ozayo.

ISITHOMBE NGABE: BACKPAGEPIX

Iya kulo mqhudelwano nje, kuzokhumbuleka ukuthi kowedlule obuse-Ivory Coast ngasekuqaleni kuka-2024, igcine ilala isithathu, okwenze yabuya nendondo yethusi.

UBroos uthi unukelwa yigolile kulokhu.

"Ngikholwa wukuthi ngeke kwasijabulisa ukubuya nokungaphansi kwesikuzuze emqhudelwaneni odlule. Kulokhu sifuna okungaphezulu.

"Lo mqhudelwano unzima, lokho ngeke ngikufihle. Ngikholwa wukuthi izinga eliphezulu labadlali esinabo lingenza ukuba sikwazi ukubuya negolide.

"Kukhona okunginukelayo, sizozama ngawo wonke amandla esinawo ukubuya negolide," kusho uBroos.

Isiyonke imidlalo yesigaba samaqoqo ye-Afcon imi kanje:
NGESONTO
Morocco vs Comoros 21h00.
NGOMSOMBULUKO
Mali vs Zambia 16h00.
South Africa vs Angola 19h00.
Egypt vs Zimbabwe 22h00.
NGOLWESIBILI
DR Congo vs Benin 14h30.
Senegal vs Botswana 17h00.
Nigeria vs Tanzania 19h30.
Tunisia vs Uganda 22h00.
NGOLWESITHATHU
Burkina Faso vs Equatorial Guinea 14h30.
Algeria vs Sudan 17h00.
Cote d'Ivoire vs Mozambique 19h30.
Cameroon vs Gabon 22h00
NGOLWESIHLANU
Angola vs Zimbabwe 14h30.
Egypt vs South Africa 17h00.
Zambia vs Comoros 19h30.
Morocco vs Mali 22h00.
NGOMGQIBELO
Benin vs Botswana 14h30.
Senegal vs DR Congo 17h00.
Uganda vs Tanzania 19h30.
Nigeria vs Tunisia 22h00.
NGESONTO mhla ka-28
Gabon vs Mozambique 14h30.
Equatorial Guinea vs Sudan 17h00.
Algeria vs Burkina Faso 19h30.
Cote d'Ivoire vs Cameroon 22h00.
NGOMSOMBULUKO mhla ka-29
Angola vs Egypt 18h00.
Zimbabwe vs South Africa 18h00.
Comoros vs Mali 21h00.
Zambia vs Morocco 21h00.
NGOLWESIBILI mhla ka-30
Tanzania vs Tunisia 18h00.
Uganda vs Nigeria 18h00.
Benin vs Senegal 21h00.
Botswana vs DR Congo 21h00.
NGOLWESITHATHU mhla ka-31
Equatorial Guinea vs Algeria 18h00.
Sudan vs Burkina Faso 18h00.
Gabon vs Cote d'Ivoire 21h00.
Mozambique vs Cameroon 21h00.