Usazonikwa ithuba lokubuyisa izinsuku zenjabulo kwiMan United

NGUMQEQESHI weMan United, uRuben Amorim.

ISITHOMBE NGABE: BACKPAGEPIX

Senzo Sokhela

ISIKHULU seManchester United, uJim Ratcliffe, sithi sizomunika iminyaka emithathu umqeqeshi wale kilabhu uRuben Amorim ukuba abuyisele le kilabhu esimweni ebeyaziwa ngaso.

IRed Devils izogadulisana neLiverpool kowe-English Premier League (EPL) ngeSonto ngo-17h30.

IMan U kayiyiqalanga kahle le sizini njengoba idonsa kanzima ukunqoba imidlalo. Nokho iya kulo mdlalo nje, ivalele ikhefu leFifa ngewini ka-2-0 ihlula iSunderland - engomakoti be-EPL - nayo edonsa kanzima.

URatcliffe - ongomunye wabanikazi beMan U - uthi bazimisele ngokunika u-Amorim iminyaka emithathu ukulungisa kahle le kilabhu, ibuyele esimweni ebeyaziwa ngaso.

NGOMUNYE wabanikazi beMan U, uJim Radcliffe (okwesokudla), exhawula umqeqeshi wale kilabhu, u-Amorim.

ISITHOMBE NGABE: BACKPAGEPIX

Ukusho lokhu nje, abalandeli bale kilabhu kabasamufuni nalapho enyathele khona lo mqeqeshi njengoba bethi makahambe.

"Akakabi nesizini enhle. Kodwa kule minyaka emithathu ezayo, sifuna aziveze ukuthi ungumqeqeshi onjani ngokuthi abuyise izinsuku zenjabulo kule kilabhu.

"Abezindaba ngesinye isikhathi yibona abafaka ukushisa, yibo abadudula umkhankaso wokuthi simxoshe, kanti impumelelo kayiqhamuki ngobusuku obubodwa.

"Ngeke uyihole ikilabhu enkulu njengeManchester United uma uzolalela zonke izintatheli. Njengamanje ungumqeqeshi wethu futhi kasizimisele ngokumxosha," esho.

Imidlalo ye-EPL engempelasonto iqhathwe kanje:
NGOMGQIBELO
Nottingham Forest vs Chelsea 13h30.
Brighton vs Newcastle 16h00.
Burnley vs Leeds United 16h00.
Crystal Palace vs Bournemouth 16h00.
Manchester City vs Everton 16h00.
Sunderland vs Wolves 16h00.
Fulham vs Arsenal 18h30.
NGESONTO
Tottenham Hotspur vs Aston Villa 15h00.
Liverpool vs Manchester United 17h30.

* EyeSpanish La Liga imi kanje:
NGOLWESIHLANU
Real Oviedo vs Espanyol 21h00.
NGOMGQIBELO
Sevilla vs Mallorca 14h00.
Barcelona vs Girona 16h15.
Villarreal vs Real Betis 18h30.
Atletico Madrid vs Osasuna 21h00.
NGESONTO
Elche vs Athletic Club 14h00.
Celta Vigo vs Real Sociedad 16h15.
Levante vs Rayo Vallecano 18h30.
Getafe vs Real Madrid 21h00.

* Eye-Italy Serie A imi kanje:
NGOMGQIBELO
Lecce vs Sassuolo 15h00.
Pisa vs Hellas Verona 15h00.
Torino vs Napoli 18h00.
AS Roma vs Inter Milan 20h45.
NGESONTO
Como vs Juventus 12h30.
Cagliari vs Bologna 15h00.
Genoa vs Parma 15h00.
Atalanta vs Lazio 18h00.
AC Milan vs Fiorentina 20h45.