NGUMQEQESHI weMan United, uRuben Amorim oqophe umlando omubi kule kilabhu ihlulwa yikilabhu edlala esigabeni sesine.

ISITHOMBE NGABE: BACKPAGEPIX

UCELA uxolo kubalandeli uRuben Amorim ongumqeqeshi weManchester United yase-England eshaye udaka ihlulwa okokuqala emlandweni wayo yikilabhu edlala esigabeni sesine (4th level).

IMan United iguqiswe yiGrimsby Town ngo-12-11 sekukhahlelwa amaphenathi, emuva komdlalo ophele ngo-2-2.

Kulo mdlalo kuyiwe ekhefini iGrimsby ihamba phambili ngo-2-0, ngaphambi kokuba uHarry Maguire, nomgadli omusha uBryan Mbeumo bashaye awokulinganisa.

NGU-BRYAN Mbeumo oshayele iMan United igoli, emuva kwalokho wayihlinzela ezibili egeja iphenathi.

ISITHOMBE NGABE: BACKPAGEPIX

UMbeumo nguyena ohlinzele ezibini iRed Devils eshweba iphenathi.

"Siphoxeke kakhulu ngalo mphumela. Ngicela ukuxolisa kubalandeli bethu ngalokhu okwenzekile," esho.

Emuva kwalo mdlalo, abalandeli bale kilabhu bangene enkundleni ngenxa yokucasulwa wumphumela abawutholile.

Lo mphumela kakungabazeki ukuthi uzofaka enkulu ingcindezi kulo mqeqeshi oqedise i-United endaweni ephansi kakhulu kwiligi ngesizini edlule, okwenza abalandeli bayo bambone efanelwe wukufakwa amasondo.

NgoMgqibelo iRed Devils izokwamukela iBurnley emdlalweni we-EPL okubhekeke ukuba iwunqobe, kumnyama kubomvu.

Isiyonke imidlalo ye-EPL imi kanjena:
NGOMGQIBELO
Chelsea vs Fulham 13h30.
Wolves vs Everton 16h00.
Tottenham vs Bournemouth 16h00.
Man United vs Burnley 16h00.
Sunderland vs Brentford 16h00.
Leeds United vs Newcastle 18h30.
NGESONTO
Brighton vs Man City 15h00.
Forest vs West Ham 15h00.
Liverpool vs Arsenal 18h00.
Aston Villa vs Crystal Palce 20h00.
* EyeSpanish La Liga:
NGOLWESIHLANU
Elche vs Levante 19h30.
Valencia vs Getafe 21h30.
NGOMGQIBELO
Alaves vs Atletico Madrid 17h00.
Oviedo vs Real Sociedad 19h00.
Girona vs Sevilla 19h30.
Real Madrid vs Mallorca 21h30.
NGESONTO
Celta Vigo vs Villarreal 17h00.
Real Betis vs Athletic Club 19h00.
Espanyol vs Osasuna 19h30.
Rayo Vallecano vs Barcelona 21h30.
* Eye-Serie A yase-Italy:
NGOLWESIHLANU
Cremonese vs Sassuolo 18h30.
Lecce vs AC Milan 20h45.
NGOMGQIBELO
Bologna vs Como 18h30.
Parma vs Atalanta 18h30.
Napoli vs Cagliari 20h45.
Pisa vs Roma 20h45.
NGESONTO
Torino vs Fiorentina 18h30.
Genoa vs Juventus 18h30.
Inter Milan vs Udinese 20h45.
Lazio vs Verona 20h45.