Zinqunywa amakhanda ziyekwe!

01

Kuvela ezithi iBucs izixebulela umkhoma kwiBay FC

NGUNKOSIKHONA Ndaba weBay FC, okuvela ukuthi ubheke kwiPirates.

ISITHOMBE NGABE: BACKPAGEPIX

KUPUTSHUKA ezithi i-Orlando Pirates izixebulela umkhoma kwiRichards Bay FC njengoba uYanela Mbuthuma noNkosikhona "Shaka" Ndaba beNatal Rich Boyz bekhonjwa kule kilabhu ephethwe ngu-Irvin "Iron Duke" Khoza, ongusihlalo. Abazishwashwathayo bathi iBay izama ukuthola uGabadinho Mhango waseMalawi, osanda kuhlukana neMarumo Gallants.

02

NGU-GEORGE Matlou (okwesobunxele) exoxa nozakwabo uTebogo Potsane noHappy Mashiane.

ISITHOMBE NGABE: BACKPAGEPIX

Ziyaqina ezokuvuselela kukaMaart noMatlou ePhefeni

UGEORGE Matlou noYusuf Maart - abaphelelwa yizinkontileka kwiKaizer Chiefs - kuvela ezithi bangase babe yingxenye yesikwati sale kilabhu esizokuya eNetherlands ukuyokwenza amalungiselelo esizini ezayo ka-2025/26. Kuthiwa izingxoxo zokuvuselela sezikuvuthondaba. Kuvela ukuthi nabadlali abasanda kusayina ePhefeni, bephuma kumaBhakabhaka, uPaseka Mako noThabiso Monyane, bazohamba nale kilabhu.

03

IGallants ivulele izembe ixosha abadlali abawu-9

NGU-KAMOHELO Mahlatsi obalwa nabadlali abakhululwe yiGallants.

ISITHOMBE NGABE: BACKPAGEPIX

IMARUMO Gallants ivulele izembe idedela uDino Ndlovu, u-Ibrahima Aminata Conde, uKenneth Nthatheni, uTheodore Siyabulela Shai, uKamohelo Mahlatsi, uGabadinho Mhango, uKopano Lehlohonolo Thuntsane, uVusi Sibiya noDaniel Akpeyi. UJunior Dion noYanga Mjoli babuyela kumaZulu FC abebabolekise kwiGallants ngesizini edlule.

04

Lucathamela uSanele Barns uSuthu olugence inqwaba

NGU-SANELE Barns okuvela ezithi ucathanyelwa ngamaZulu FC.

ISITHOMBE NGABE: BACKPAGEPIX

KUNGENA elamaZulu FC nje, kuthiwa le kilabhu ixoxa noSanele Barns weStellenbosch FC ukuyoyijoyina njengoba kubhekwe yethule abadlali abasha ngaphambi kokuphela kwale nyanga.

Phela uSuthu ludedele imbazo kubadlali abaningi kubalwa u-Augustine Mulenga, u-Andile Mbanjwa, uKwanda Mngonyama, uSandile Khumalo, u-Abbubaker Mobara, uSikhulile Manyoni, uMsindisi Kunene, uThembela Sikhakhane, uBoniface Haba, uMbongeni Gumede, uVeli Mothwa, uRowan Human noWayde Jooste.