Izindaba | 13
Friday, 16 May 2025
IThala licacisa ngesinqumo senkantolo
Likhulula amakhasimende alo ukwehlisa amaphaphu, lithi imali yawo ikhona, kayilahlekile
Intatheli yeLanga
ITHALA SOC Limited, licacisa ngokuthi sisho ukuthini isinqumo sakamuva seNkantolo eNkulu yaseMgungundlovu, esithinta ukusebenza kwalo.
Ekupheleni kwesonto eledlule, iJaji uMuzikawa-khelwana Ncube, eNkantolo eNkulu eMgungu-ndlovu, likhiphe phambili Ithala, ecaleni loku-vimba iPrudential Authority (PA) neRepayment Administrator (RA) ukulephuca amandla okusebenza nokuqhuba imisebenzi yalo ejwayelekile.
Ngenhloso yokukhanyisela umphakathi, ikakhulukazi amakhasimende ngokuthi sichazani lesi sinqumo, Ithala licacisa kanje ngalesi sinqumo:
* Lesi sinqumo senkantolo simayelana nokuse-benza kweThala okuthinta ukubolekisa ngemali, umshwalense, nemisebenzi ejwayelekile yokuqhuba ibhizinisi.
Lesi sinqumo asikuthinti ukusebenza kwalo,
okumayelana nokuthatha amadiphozithi. Ukuthatha amadipozithi kusamisiwe, kulandela ukungavuselelwa kwelayisense Ithala ebelise-benza ngaphansi kwayo, nokuchithwa kwesicelo salo yiPA sokuthola ilayisense egcwele yokuba yibhange.
Kunezingxoxo eziqhubekayo zokuthi Ithala liphinde likwazi nokuthatha amadiphozithi.
Ukumiswa kwezinto zeThala kuzoqhubeka
kuze kutholakale isisombululo
* Ngenxa yalesi simo, uma i-akhawunti yakho imisiwe ukusebenza (kawukwazi ukufaka imali, nokuyikhipha noma ukwenza ama-transfers). Lokhu kumiswa kokusebenza kwama akhawunti aseThala kwenziwe yiRepayment Administrator, ingalazisile Ithala.
Lokhu kumiswa kuzoqhubeka kuze kutholakale isisombululo kwizingxoxo eziqhubekayo phakathi kukahulumeni waKwaZulu-Natal, iPA, iRA, noMnya-ngo wezeMali kuzwelonke.
* Imali yakho kunanoma iyiphi i-akhawunti owonga ngayo ikhona kwi-akhawunti, ayinyamalele, kodwa awukwazi ukuyikhipha ngenxa yokumiswa kokusebenza kwama-akhawunti.
* I-Repayment Administrator isebenza ngaphansi komyalelo wePrudential Authority, okuwuphiko lweSouth African Reserve Bank (SARB).
* Ngemuva kwesinqumo sakamuva senkantolo, iPA neRA bafake isaziso sokudlulisa icala. IThala linethemba lokuthi ukudluliswa kwecala kuzolalelwa kuphothulwe kungakapheli uJulayi noma u-Agasti 2025.
* Lokhu kumiswa kokusebenza kwama-akhawunti kulandela isicelo esafakwa yiPrudential Authority enkantolo, sokuba kuvalwe ukusebeza kweThala.
Lesi sicelo sePrudential Authority sokuhlakaza nokuvala Ithala, silandela ukuphelelwa yisikhathi
kwelayisense ebelisebenza ngaphasi kwayo.
Usuku lokulalelwa kwaleli cala alukakhishwa.
ITHALA lithi amakhasimende ngeke akwazi ukukhipha imali yawo kuze kulungiswe inkinga.
Ukukhokhela ezinye izikweletu onazo naleli bhange kuyaqhubeka
* Ama akhawunti akho emalimboleko (Rural Home Loan, Vehicle Finance, Taxi Finance, Home Improvement Loan) ayasebenza, futhi kumele uqhubeke nokuwakhokhela njengokwesivumelwano sesikweletu.
Sicela usebenzise le akhawunti ukukhokhela isikweletu sakho: Ithala SOC Limited, ABSA Bank, Inombolo ye-akhawunti:
406 7762 302, Ikhodi: 63035. Sebenzisa inombolo ye-akhawunti yakho yemalimboleko yeThala njenge-reference.
* Inqubo yokufaka izicelo zenkokhelo yoshwaleze (Insurance Claims) ayishintshile. Izicelo ungazifaka eThala eliseduze nawe noma nge-email.
Uma uthumela nge-email kumele ugcwalise ifomu, ufake nayo yonke imininingwane emayelana nesicelo, ukuthumelele ku: claimsinsurance@myithala.co.za
Mayelana nokukhokhela ipholisi yakho yomshwalense, sicela ulandele umyalelo othunyelwe kumakhasimende yiKula Partners Pty Ltd.
Ilanga Lempelasonto