Izibiliboco nedili lomculo koweShisanyama Festival eThekwini

 Lucky Cain

UKHUZA ibuya umcimbi weShisanyama Festival, njengoba uhlelelwe umhla ka-26 kuSeptember, eBerea Rovers, eThekwini. Lo mcimbi oqale ukwenzeka ngonyaka owedlule uhlelwa ngumnikazi wendawo iMetro Gents Shisanyama, eMlazi, uLunga Mkhize.

UMkhize uthe kulo nyaka bahlela ukulinyusa izinga uma kuqhathaniswa nonyaka owedlule. Uthe ukuba nabaxhasi bezithako zakwaRobertsons nokulanda iGagasi neWisemans Carwash and Shisanyama KwaMashu njengophathina balo nyaka, kukhombisa ngokusobala ukuthi balinyuse kangakanani izinga.

Echaza ngokusunguleka kwalo mcimbi uMkhize uthe, wakhuthazwa ngumnikazi wendawo
i-Eyadini Lounge, uJabulani Mjay Zama, ongasekho emhlabeni. Uthe uMjay nguyena owamkhombisa ukuthi izindawo ezingoShisanyama zingakwazi ukwenza okungaphezulu kokuba yizindawo zokudlela kuphela.

Uthe i-festival yalo nyaka, izomema osomabhizinisi abasakhula abasebenza ngakho ukushisa inyama ngezindlela ezahlukene. Uthe abantu bazothola ithuba lokuzizwela izinhlobo ezahlukene zokosiwa kwenyama ngosomabhizinisi abahlukene.

Le festival izobophela uhlu lwabaculi noDJ abazojabulisa abantu njengoba lolu hlu luzogaba ngentandokazi kaDJ nomdidiyeli wezingoma uKelvin Momo.

NguDJ nomdidiyeli wezingoma uKelvin Momo.

Olunye uhlu lwabazonandisa luzomenyezelwa ngokuhamba kwesikhathi.